Tratamento

Existen moitos tipos de coidados relacionados co tratamento da enfermidade de Cronh. Para axudar a estes pacientes hai que establecer unhas pautas a seguir:

Dieta e nutrición. Non se demostrou que ningunha dieta específica mellore ou empeore os síntomas da enfermidade de Crohn pero existen alimentos que axudan a aliviar os síntomas. Entre eles destacan:  

• Aumento no consumo de cantidades pequenas de auga.
• Evitar alimentos ricos en fibra ou grasos.
• Reducir o consumo de productos lácteos se se teñen problemas para dixerilos.
• Evitar alimentos que causen gases.

Tamén podeselle recomendar aos pacientes que comecen a consumir algúns suplementos vitamínicos ou certos minerais adicionais.

Estrés. Certas situacións de estrés poden empeorar os problemas intestinais relacionados ca patoloxía. O paciente non debe sentirse avergonzado nin trise por padecer esta patoloxía intestinal. 

Medicamentos. Existen unha serie de medicamentos que axudan a calmar os síntomas da enfemidade de Cronh, entre eles aqueles que contribúen a reducir a diarréa. Entre estes medicamentos están:

• Os aminosalicilatos que axudan a controlar os síntomas leves ou moderados. Este tipo de fármaco adminístrase por vía oral ou rectal.
• Os corticoides que axudan a tratar a sintomatoloxía da enfermidade moderada ou grave. 
• Certos antibióticos que tratan abscesos ou úlceras. 
• Medicamentos inmunosupresores.
• Terapia biolóxica que axuda a tratar a enfermidade grave ou que non responde a ningún medicamento.

Ciruxía. Algunhas persoas poden precisar ciruxía para extripar unha parte ou todo o intestino groso con ou sen o ano para tratar problemas como sangrado, infeccións, estreitamento do intestino, etc.