Diagnóstico e tratamento

Un paciente con aniridia ao ser exposto á claridade o primeiro reflexo que desencadea é o peche inminente dos ollos. A fotofobia é o primeiro que ten lugar naquelas persoas que carecen de iris. Outra maneira de corroborar que padeza aniridia é mirando os ollos da persoa posto que os ollos anirídicos teñen un aspecto peculiar.

O especialista relacionado deberá levar a cabo un exame oftalmolóxico no cal determinará de qué enfermidade se trata e as posibles patoloxías asociadas. Ademáis, existen unhas probas que establecen un diagnóstico totalmente correcto:

• Bandeo cromosómico
• FISH
• Probas de ultrason renal
• Imaxes de abdome e cerebro

Unha vez diagnosticada a enfermidade establécese o seu tratamento que, neste caso, non existen unhas pautas que engloben toda a sintomatoloxía que produce a aniridia polo que se deberá tratar cada síntoma de forma individualizada.

O primeiro ao que se recurre é ao uso de gafas para subsanar a perda de visión. Por outra parte existen certos fármacos que axudan a tratar patoloxías como o glaucoma ou a sequidade ocular. Nesta última tamén se empregan soros fisiolóxicos. 

Por último pódese optar pola cirurxía en intervencións como as das cataratas ou novas técnicas que se comezan a usar que levan a cabo unha substitución ou reconstrucción do iris. Estas últimas contan cun porcentaxe de posibles efectos adversos relacionados ca intervención quirúrxica.